about draw near.
Dr Name "Draw Near" chunt vom Bibuvärs usem Jakobus 4:8 "draw near to God and he will draw near to you." oder uf Dütsch: "sucht die Nähe Gottes, dann wird er euch nahe sein."
Draw Near, isch auso d Ihladig Gott z sueche, üs ihm z nahe! Im Psalm 73.28 steit: "it is good for me to draw near my God." (Gott zu nahen ist mir gut.)
Ja äs isch guet für üs we mir üs Gott nahe. Und we mir sini Nechi sueche wird är üs nach si. Was gits schöners aus i dere Nechi vo Gott zsi.
Darum isches mini Vision dörfe Produkt härzsteue, wo nid nume ästhetisch si, sondern di drin dörfe ungerstütze necher a Gottes Härz zcho.
Di Produkt wo du hie fingsch söue di im Autag i dire Stiue Ziit ungerstütze, di ad Wahrheite vo Gott und sim Wort erinnere und di ermuetige!
the face behind.
heyheyy, i bi d`Säbi, s Gsicht hinger dem Onlineshop :)
I bi 27gi und wohne zämä mit mim Ehemaa im Ämmitau! Chline Funfact: Mir hei im Winter ghürate, obwohl ig nid gärn chaut und nid gärn Schnee ha ;)
I liebes kreativ zsi, was oh dr Grund isch werum dases di Site hie git! Zudäm liebi Jesus vo ganzem Härzä! I liebes oh z reisä und ha äs mega Härz für jungi Mönsche, dür die Kombination hei ig und mi Maa zämä äs Jahr lang bi YWAM in Oustralie dörfe mitschaffe und i has gliebt mau so nach am Meer dörfe zwohne!
Es paar witeri sache woni liebä si: Pflanzä, Kafi & Matcha, gueti Gspräch, d Farb Gäub und Pizza :)
